28 mai 2009
tawwuri tamggarut n Fatytaf
Riγ ad tg tnfult (page) ad ,yat tssaggwt (tasmuqqelt)n usnmala (affichage) n twwuri tanazûrt tamggarut n tgwrramt Fatytaf,slawant akkw lliγ tsty ad tqqen asmel nnes anwrik (site personnel)n Fatytaf.canalblog.com :-(
"tamγdart": ay'd iga'n azwil (titre) n tfliwt ad ,lli tsnflula (qu'a créée) tmγart tanazurt "Fatytaf" ,s ufus nns agwrram .tettâf tazdayt d tmdyazt "tamγdart" lli skerγ,d lli rad'd iffuγ γ itwil (CD-album) wis sin inw iγt inna Rbbi ,γ mad'd ikkan mnid γ wussan n Rbbi.
ar snimmirγ Fatytaf f umcacka n ikwlan (cohérence des couleures) ,tawada n idûdân nnes d iwaliwn n tmdyazin inw akkw s yat tγarast ifsusn idran igan ta'd idrusn γ tillawt (réalité)n tzûri tmaziγt .
ar snimmirγ i Rbbi ,lliγ ssnγ Fatytaf,yimmi d ultma d ult Rbbi.
γ mad'd ikkan assirem (imal,azkka) rad'd smelγ turart n "tamγdart".
ad-aγ ur ig Rbbi d imγdarn !
tanmirt
"imakern n tafukt": nγdd "imakern n tifawt";azwil n tadla n tmdyazin (receuil) n umdyaz n amaziγ a3rrim "Blilid"tg tafliwt ad n Fatytaf tifulut n wurγ n iggi n udlis ad n Blilid.
iγ nanny γ twwuri ad izîln n Fatytaf,rad gis nγer kigan:
hâ'nn tafukt ar'd tsklulu γ dârât ,ikk uskkil n "Aza" aflla nns s uzggwaγ.
imma talγa (forme) tumlilt ann n tuzzûmt ,nttat man-n akkw gis wammakn (sens) n tlelli d tderfit (libérté) s tga s mnnaw wudmawn :
-yat tagwmart tumlilt ibiddn f krâd idârren tall yan,zun iγ tlla γ tγzut,nγ'dd abaraz n umawal n isan !
-nγdd yan waylal (agdîd') ;atbir umlil ifsern ifrawn nns ad yayell!
-tg daγ γ izdar nns acnyal (symbole) n tmaziγt;krâd idûdân n ;akal, awal,afgan. ayyuz i tnazûrt !
marad'd ur ikwty azzer n wargan γ wafatn n tmizar n sus, d tkrrayt n tmγarin tgllinin ad zdînt argan ig mayttasy uγrum γ tkinin ??id matnγ,istmatnγ,timγarin n udrar,id lallatnγ lli mu itqqes usnnan n wargan zzidêrnt-as (sbernt-as) acku tamagit nnsent aγ tkcem twwuri nns.tazdayt (relation) n tayri iggutn ad ismanen argan ula timγarin,aylliγ iga yan γ twja d ayt tgmmi !
zzidêrnt ula i wγaras d tmyyal (tamayelt;aγaras yugln γ ugwdm),ibbyit idukan ula idârren ...!
iggut wawal...,adaγ isurf Rbbi γ ayddarnγ !
tanmirt Fatytaf f tmktit icwan,immimn zund argan !d tzûri nnm lli ur isiggiln aqqarid' ula atig,tga tin Rbbi d f Rbbi .
tafliwt ad isutertt (idâlbtt) Plume i usnfar n tgara n usggwas (projet de fin d 'année) nns.
tanmmirt f ukccum nnun s usmel ad !
Commentaires
Tighri bahra iZiln
Tighri bahra IZiln gmatengh Anejjar !
Ayyuz !
Tanmmirt i twwuri li tskert.
Poster un commentaire
Rétroliens
URL pour faire un rétrolien vers ce message :
http://www.canalblog.com/cf/fe/tb/?bid=455280&pid=13890916
Liens vers des weblogs qui référencent ce message :