04 août 2008
nna-n willi zrinin:
imma yan mu ur i-haDr win-ns mani ra-n?!
***********
-wanna-γ i-ra'n fiHa xir wanna-γ ur i-ri'n,
y-add i l3ib ad-t ur sawal-n
*************
-anwwac ka'f i-tt'muddu d tiram nnes,
ass nna s Hyya-n lkdub i'rad-tn i-ssiky !
********
-a mamu hla-n l3yud ula imussutn...,
i-lla-yyi'nn yan urti dar irumiyn !
y-ily gi-s waDil,y-ugr tafirast !
t-ili-yyi'nn tamment γ ugens nnem a'ssellt !
ur yyi-tt i-hkem uDaD nγ ixf n yils !
i-lla-yyi'nn faruz... γ ugwmmaD n urumy ,
y-ili-yyi'nn wudi γ ugens n tfunast !
a'tasa sbeR bzziz mqqar t-anny-mt !
lhal ur-kwnt i3jib ad-t ur t-nna-mt ...!
Anejjar elbachir 2958/2008
nnan willi zrinin
15 mai 2008
ahh inu !
Nnan willi zrinin...:
Ahh inu ...!
ahh inu skern'tt gigi willi sala-n'in
lHemm n gra-ygh d Rbbi,nkki salagh ukan !
allun art n'ss'l3ab achku immut-y wul,
***********************
atasa-nw iswwengimn ,urawnt Rwin ,
ad-am iRwan d sidi RRsul a'ttnn t'tinit !
***********************
lHemm ur gin azerg asn islla kiwan !
a s lhilt as iZZaDD ikhsan nna gh llan !!!!
aRebbi nw ayilaHi RDigh s tirra nnun !
ura-gh isker ghikk'ad abla rbbi kyyin !
ullaH ard ukan mHl-gh s'ustwu-gh aDar ,
aynna iga Rbbi d lhlal ur iri man !
*****************************
anwwach d umhsad,ayrumiyen manen'in
ar aTTun yan d bab-as ,henna-as ula m-as !
ar aTTun willi yad isman kra 'llaman ,
ar akkan tugga s lbaDl,ayShu wawal !
**************************
ayallaH yan k yad ingha'n,ura-k mTTel'n
ula yan-k i'ssirid'n lkhla ka gh-ak iffal !
arbbi ghrigh-ak aDDamn awalli yumRn !
iRRoh inw ayyili gh ikhsan ,ar isawal !
ula larzaQ inu dark agh'nn akkw llan !
tanmirt ayimm !
13 mai 2008
ar nttahl !
Nnnan willi zrinin...:
ar nttahl !
ar n'ttahl,ar n'tnuddum,ar n'ttawz !
awin ighnan,ahbib,awigh-k a'yids!
a'wanna ur ikkat waDo tutt tafukt ,
uten't ljnun n yiD ur isker wi-nns
*****************
ara ma'nnra atalmrjlt tawwuri nnem !
nkkin agwma faruz lli nr ,ufight !
a'lligh ighwla faruz ,nccha gh wafa-nns,
ghila lligh ikwrm,nujja't i'ydwwaynn !
******************
sidi hmad u musa! taskala nnek !
asa n'aqqlay ard njmgh i'nwwachn !
11 mai 2008
Rbbi nw ...
Nnan willi zrinin... :
Rbbi nw !
atasa-nw ayemmi bbint,icchat usmmiD !
alah'agh masa-tt t'dalgh,aytma ttmma'n!
agan aghrib ur idiln ula lan akal !
allah akbar ababa ,isa-k'inn ur lkkem'n ???!
imTTawn inu ss'ngin kollo talatin!
ula tigwnatin,Rbbi-nw af ukan allagh !
09 mai 2008
Nnan willi zrinin...
Slam n Rbbi flawn-Azul ist d ayt -ma !
righ tagurtt ad tg yan ukttay n iwaliwn iqburn n zikk ,wanna ddar llan innatnid gis ,tanmirt !
ad zwurgh s kra iwaliwn tnnayitn yimmi asst isrbh Rbbi yan usgwas ayd llighd kigh tamazirte .
mklli ssuturgh ad ig yat tizi magha tssen ti33urma (jeunesse) amzruy (histoire) nnes slawant akkw wad iZlin s tussna :
ar ttazengh iwaliwnad i lalla Fatytaf (tiwul) d kollo ist d ayt imurig.
tanmirt imurig.net
N.W.Z (Nnan willi zrinin ...)
Lhmdo'lillah
Laylaha illa llah'isa wkan ntbrrah !
i ya'wr issin'n illi ran ula Zran lkhbar nes ...
lhmdolillah ,lligh'a wr'a ttighzifent ,
ssa3t n'tmmara n yan iSber'n izzri'tent
lhmdolillah,lligh ila usmmawd afus !
ifrs dagh lmnchar ,ila SaSbu tigwmamine !
SSwab ...
immen3a Sswab ntta d Lqwran att issen yan
igh ur ig s uswwaD,ngh yan-as ichaTern .
immen3a igha-knn iga kra ssllum ifelk !
ukan ark itmnid ijjlu-yak agharas .
SSber ...
"ida bismi llah nDalb irBBi ,
adam ichfu (is'jji) timuDAn atasanw
ahh abu nnbal ,alherz ak'kin ka nanny
aghifassn nwiyyaD irighk iwinw !
ichqqa Sber ,!... mach tigira nnes mmimn !"
...sul
Mqqar d mqqar !
Mqqar izbub itri ,gan akkw tufawt
mqqar izbub usengar ,lflous ayg!
mqqar izbub ujda3 mqqar mZZiyn...,
aras ittzyyan Rbbi taghzut nnes!
***************
*****************
Asmammi d unkkid !
ahhint ayemmi mas'nhil asif gh'lla izenkwaD
ig agwdal ,ur ufigh ann gis nbnu timdayin
bismillah mla gis ur izri ttalb lkhir ,
urt itgga gh uflla n Lqqwran ibdu sers !
***************************
Sidi hemmu :
zayd ayan innan lmouhibbt ura thwwal
adak tili gh ujarif ,ig amlal ard iTTar!
nghak tlla gh rrich n tammurghi tagwy akal !!
adak tili gh usawn ginawn ifaddn aman !!
adak tili gh uselm igan awragh, iddm aman !!
NNiyte !
Amar idk ukan ijm3an s nniyte !
ukan ikksak ayguider ,...tammara nnes !
amar ighlin ar ignna imanarn !
add iZur f lmuhibba ...tasa tuDn
********
amar ichan ayguider tifyyi nnek,
issumm ikhsan, isw adif ,ich tasannk !
ifl laryach itagut attn tawy !
********
atasa Sber bzziz mqqar tannimt ,
lhal ur kwnt i3jib att ur tnnamt !
ar llan sin ijjign ...cherkn akkw ikhf !
uratn bDon lhruz ula inwwachn !
akollo rrja ,d lhobb ,af mnawayn !
*********
allah ukbar, ahh igllin !,s uzenkwD !
urakkw izDar i luDa kkin ka lu3r !
Tanmirt ayimm!
....sul (to be countinued...)
L3ajayb ... !
l3ajayb ulillah ,attuHm uluHm !
nkerz irden gh urti ginangh ififl !
atawimt atayrza takrrayt !
awalayni yuDad l3aqql innays :
ignwan d ikaln ad ur itmiqqirn !
imma lahbab ar yadlli tmiqqirn !
... sul (to be countinued)
LaSl ...
irhemk asidi hemmu ttalb inna igllin :
"laSl uluSol ayttawy urgaz ighd iqqan !
ig tamggrTT,a'fllas ibnu TTalb lmal,
laSl a'ymmn3an ighak ingara d waman !
imma ahbib igh iffagh afus ,ikchem-t-id wayyaD !"